الشباكية الرمضانية بالصور
تحضير الشباكية الرمضانية بالصور
[وحدهم المديرون لديهم صلاحيات معاينة هذه الصورة]مقادير العجين:
كيلو طحين
رابعة زبدة ماركارين
2 معلقات كبار خل
خمارة فاني
خمارة حمراء
قبصة ملح
الماء الدافئ لجمع العجين
الطريقة:
نخلطو الطحين مع الزبدة ونفركوها بيدينا حتى ندمجو الزبدة مع الطحين من بعد نزيدو الخل والخمارات ونجمعو العجين بالماء وعطيو الدليييييييييييييييييك ولكن خليو لعجينة قاصحة من بعد قسموها كورات ودلكو كل وحدة بالدلاك من بعد دوزوها فالماكينة دالشباكية حتى تولي رقيقة من بعد قطعو وشكلو كما هو واضح فالصور
قطعو معينات بالجرارة وكل معين ديرو وسطه شريطة بحال الشباكية
[وحدهم المديرون لديهم صلاحيات معاينة هذه الصورة]من بعد جيبو كل معين ديروه فوق الاخر ديرو تقريبا 4 او 5 واحد فوق الاخر
[وحدهم المديرون لديهم صلاحيات معاينة هذه الصورة]حلو ديك الشريطات ودخلو فيهوم القنت الفوقاني ديال المعين من التحت
[وحدهم المديرون لديهم صلاحيات معاينة هذه الصورة]جرو القنت من فوق الشريطات وتخرجليكوم فهاد الشكل بحال السبولة
[وحدهم المديرون لديهم صلاحيات معاينة هذه الصورة]من بعد قليو فالزيت سبولات ديالنا ونطفيوهوم فالعسل وبالصحة والراحة
[وحدهم المديرون لديهم صلاحيات معاينة هذه الصورة]هاكدا تتجي الشباكية ديالنا خفيفة وهشيشة ومعسلة
[وحدهم المديرون لديهم صلاحيات معاينة هذه الصورة]وفي الاخير فطبيعة الحال متنساوش تهلاو فيهوم بالزنجلان
وبالصحة والراحة