ثانيا: أنواع جرعات المضخة.
المضخة تستخدم نوعين من الجرعات. ( Basal )مستمر 24 ساعة و ( bolus ) للتصحيح و للأكل.
باستخدام نوع واحد من الانسولين وهو سريع المفعول فقط. هذا خلاف الخطة المعتادة اللي تستخدم نوعين من الانسولين، طويل المفعول يعمل عمل القاعدي و قصير المفعول للتصحيح و غيره. بحيث يستخدم قصير المفعول باستمرار و يحل محل القاعدي، الميزة هنا في تحكم بالجرعات اكثر.
انواع الجرعات:
أ)قاعدي ( Basal ):
هذا هو الانسولين القاعدي،الضخ المستمر 24 ساعة،يحل محل طويل المفعول
اللي تستخدمونه قبل المضخة مثل (اللانتوس)
وممكن تعملون تعديل على المقدار من temp basal (ضخ مستمر مؤقت)
لان في حالة المرض(تحتاج زيادة) أو الرياضة مثلا (تحتاج أقل).
واحيانا هالتغيير يكون يومي فبدل ما نسوي ضخ مؤقت نسوي Basal pattern ثاني. يكون فيه التوقيت والضخ محدد لكل جزء.
وممكن يختلف مقدار الجرعة من وقت لوقت مثل ما تلاحظون في الصورة،
مثال: 
*احمد عمره 15، تحصله ارتفاعات بالليل مع هرمونات النمو و بالصباح يسوي رياضة. نقسم ال ( Basal ) حقه لقسمين. مرتفع بالليل و منخفض بالصباح.
*هند تحصلها انخفاضات وقت الدوام فنقلل لها معدل الضخ بالصباح.
بالصورة هنا ممثل باللون البنفسجي. 
[ندعوك للتسجيل في المنتدى أو التعريف بنفسك لمعاينة هذه الصورة]
2-بولس ( bolus )
هي الجرعة الصغيرة اللي تاخذها من اجل :
أ- تغطي أكل
ب-تغطي ارتفاع ( جرعه تصحيحيه )
وفي الصورة ممثلة باللون الاخضر.
[ندعوك للتسجيل في المنتدى أو التعريف بنفسك لمعاينة هذه الصورة]
إيش أنواع الـ bolus ؟
على حسب نوع الأكل اللي تاكله عندنا 3 أنواع من الـ bolus :- ,
و بطبيعة الحال النوع الاول هي اكثرها استخداما، لكن النوعين الثانين لا ننكر فائدتهم ونعتبرهم ميزة مهمة في المضخة.
أ) normal
العادية،هذي تعطيك الجرعة اللي دخلتها كاملة مرة وحدة.
تستخدم مع:الأكلات الغنية بالسكريات الاحادية السريعة الهضم
مثل ( الببسي العادي- البسكوت- الكورن فلكس- العصير..)
[ندعوك للتسجيل في المنتدى أو التعريف بنفسك لمعاينة هذه الصورة]
ب)square wave
الممتدة،هذي تقسم لك الجرعة على مدة معينة بالتساوي (من نص ساعة لساعتين) انت تحددها.
تستخدم مع:الأكلات الغنية بالدهون أو البروتين اللي تاخذ وقت لتهضم
مثل (بيتزا- مفطح-ستيك...)
هذي بعد ممكن نستخدمها لما نكون في مناسبة و كل شوي فيه مجموعة فطاير ولا حلى.
فبدال ما ناخذ كل شوي جرعة و تجلس تتراكم علينا و ينخفض السكر، ناخذها مرة وحدة.
[ندعوك للتسجيل في المنتدى أو التعريف بنفسك لمعاينة هذه الصورة]
ج)dual wave
المزدوجة،هذي عبارة عن مجموع الثنتين،تقسم جرعتك قسمين(70\30 أو 50\50) ،
جزء توصله بالبداية (normal)وجزء تقسمه بالتساوي على فترة معينة(square) من الوقت أنت تحددها.
[ندعوك للتسجيل في المنتدى أو التعريف بنفسك لمعاينة هذه الصورة]
ما هو ساحر الجرعات؟
برنامج بالمضخة يحسب لك كمية البولس المفترض تاخذها بعد ما تدخل سكرك و كمية الكربوهيدرات اللي تاكلها. وميزتها تاخذ بالاعتبار الانسولين اللي انت ماخذه من اول.
مثال: انا كليت بسكوتة مليانة سكر وخذت لها بولس. وبعدها بنص ساعة قررت اتغدى. لما قست سكري لقيته مرتفع(180). لو انا ما خذت بالاعتبار البولس اللي اخذتها قبل نص ساعة كان يفترض اخذ زيادة انسولين للتصحيح والقى نفسي بعد ساعتين سكري نازل. ساحر الجرعات يحسب لك الجرعة المكونة من
(القسم اللي يغطي الأكل+ التصحيح) ويطرح منها الانسولين الفعال (Active insulin) اللي متبقي من جرعة مسبقة.

ثالثا: إيجابيات وسلبيات المضخة:
إيجابيات:
1-ضبط السكر لقدرتك على التحكم بالانسولين راح تلاحظ الفرق من ناحيتين:
أ/ كونك تقدر توقف الضخ المستمر مثلا او تزيده و تنقصه على حسب حاجتك،
هذي مفيدة في رمضان في الحج في حالات المرض أو الرياضة .
ب/ ممكن تستخدم أنواع البولس المختلفة لانواع الأكل المختلفة للي يعانون
مثلا من انخفاض بعد أكل البيتزا بساعة و بعدها ارتفاع .
2- ممكن تستخدم minilink لقياس السكر المستمر
3- أغلب الدراسات توضح تحسن واضح في الـ A1C
4- فيها خصوصية و سلاسة أكثر من الحقن،تقدر تضغط كم زر تحت الطاولة و انتهينا.
سلبيات:
1- انت تحتاج تقريبا 10 ابر و 10 خزانات بالشهر،يختلف من شخص لشخص ، أنا أغيرها كل ثلاث أيام.
2- بعض الناس ما يحب يكون متصل 24 ساعة بجهاز فلازم تكون مستعد نفسيا لهالشي
3-ب ما إنك تستخدم انسولين قصير المفعول،أي انقطاع في الضخ فوق الساعة
راح سبب لك ارتفاع في السكر مباشرة
4- ضمور النسيج تحت الجلد، وهذا بعد يصير مع الحقن العادية لما ما نغير مكن الحقن.عشان كذا لازم نغير مكان الابرة.
لكن عموما فوائدها أكبر بكثير من إنك تمتنع عن تركيبها لسلبيات ونتغاضى عنها بوجود الفوائد الثانية.
تكلفة المضخة:-
1-تكلفتها المبدئية (المضخة نفسها)والشهرية(الغيارات من الابر والخزانات)
تعتبر مكلفة للي يجيبها على حسابه،بس المستشفيات الحكومية الكبيرة
(الجامعي-الحرس-مدينة الملك فهد الطبية-العسكري) يركبونها مجاناً .
تكلفة المضخه على حسب الموديل من 25 إلى ثلاثين ألف ريال سعودي.
تكلفة الخزانات:-
10 حبات ب 35 دولار
تكلفة الابر:
10 حبات ب 126 دولار

رابعاً: أسئلة متكررة:-
أسئلة عامة::
سـ/المضخه اللي تستخدمونها هل تحتاج انسولين معين و شو نوعه ؟-كاردينيا
نستخدم انسولين سريع المفعول - aspart او lispro- مثل novolog.
سـ/من وين أجيب المضخة؟
أول شي لازم تعرفه إن المضخة مو موجودة في الصيدليات.لازم تروح لدكتور يكتب لك وصفة وممكن 
يكون المستشفى نفسه يصرفها مجانا أو يعطيك الوصفة وتجيبها عن طريق الوكيل.
سـ/إيش المستشفيات اللي تركب المضخة؟
في الرياض(العسكري-الحرس-مدينة الملك فهد الطبية-مستشفى الملك عبدالعزيز الجامعي)، وفيه دله بعد حكومي يركبونها -على حسابك- لأن عندهم تثقيف. تقدر تطلبها مباشرة من الوكيل لكن لازم تثقيف و مو كل المستشفيات عندها مثقفين.
سـ/كم مرة لازم أحلل؟
6 و فوق يوميا،مهم جدا التحليل المستمر عشان لو ارتفع لا قدر الله لخلل في الابرة أو غيره
يمديك تعالج المشكلة بسرعة قبل تتطور لكيتون .
سـ/هل ممكن أعطي نفسي جرعة بالغلط لو ضغطت الأزرار؟
لا،لازم تمر بقوائم وغيره وتأكيد على الجرعة.
سـ/هل لازم أتعلم حساب الكربوهيدرات؟
جدددا مهم،نص فائدة المضخة في أنواع الجرع المختلفة و ما راح تقدر تستخدمها بدون حسابها،لكن في
ناس قلة يركبونها و يستخدمون جرعة وحدة.و للمعلومية حساب الكربوهيدرات مو تعحيزي في وسائل كثيرة
ممكن ترجع لها. كتب و برامج والمنتجات الجاهزة نفسها مكتوب عليها.
سـ/هل المضخة تضخ من نفسها؟
إيه ولآ.المضخة مثل ما قلنا فيها نوعين جرعات،بيزل-قاعدي،وبولس.
البيزل تبرمجها على جرعاتك وهي تضخ 24 ساعة وممكن تعدل في الضخ أو توقفه بعدين لو احتجت.
البولس لازم انت تدخلها وقت ما تاكل وتقولها إني أبي النوع كذا مقدار كذا.
تذكر المضخة فقط أداة بيدك ما راح تسوي إلا اللي انت تقولها.
سـ/كم مرة لازم أغيرها،وإيش اللي أغيره؟
كل انسان يختلف،في ناس سكرهم يبدا يرتفع بعد 3أيام من استخدامها،عموما المتوسط هو كل ثلاث أيام،يعني لو ركبتها السبت تشيلها الثلاثاء.
راح ترمي الخزان القديم+الأنبوب+الإبرة بالانسولين الباقي فيهم
راح تعبي خزان جديد بالانسولين،تركب ابرة جديدة بانبوبها الجديد.
سـ/هل المضخة تترك آثار؟
تترك نقطة صغيرة حمراء-مكان الابرة البلاستيكية-،ودائرة حولها-من اللصق-.
لكن غالبا يروح بنفس اليوم و يكون مرررة خفيف.
سـ/هل المضخة تقيس دمي باستمرار و تغنيني عن جهاز القياس؟
ابددددا،هو فيه سنسر و ميني لنك تقدر تركبهم مع المضخة عشان عطيك قياس سكرك 24 ساعة،لكن القياس مو دقيق و متأخر عن السكر الطبيعي بربع ساعة.وحتى لو ركبته ما راح يغنيك عنه بالعكس ممكن تحتاج تقيس أكثر عشان تسوي معايرة للجهاز-وراك وراك-. جهاز القياس المستمر يستخدم عشان تنتبه للمنحنى حق السكرو وين متجه مو عشان رقم السكر بالضبط.
سـ/هل المضخة للكبار فقط؟
لأ،فيه كثر أطفال يركبونها ويستفيدون منها.أنا قد شفت وحدة عمرها 21 شهر مركبتها.
أسئلة متعلقة بنمط الحياة::
سـ/هل المضخة مزعجة وقت النوم؟
أنا نومي جدا خفيف و ما عندي نهائيا أي مشكلة معها.أنا
أخليها جمبي بالسرير،ولين جيت آنقلب لو كان السلك طويل عادي لو قصير أشيلها و أحطها قدامي.
ممكن لو مركب جهاز القياس المستمر يعطيك انذارات لو السكر ارتفع أو انخفض يكون مرة مزعج وقتها و ماتخليك لين ما تشيل الانذار، لكن تقدر تغير الإعدادات على كيفك. و ما تخليها تنبه لو انخفض السكر.
سـ/طيب وين احطها وقت النوم؟
كل واحد له الطريقة اللي تناسبه. ناس تحت المخدة. ناس عالطاولة. ناس جمبهم عالسرير-زيي- ناس يسبكونها بالبجامة. ناس جوا البجامة.
سـ/طيب لو ضخت وقت النوم ما تسبب انخفاض؟
هنا تجي فائدة البيزل و تقسيمه،ممكن تنقص مقدار الضخ وقت النوم للي ينخفض عليهم.وتزيده للي يرتفع.
سـ/وين أحطها وقت الرياضة؟
على حسب المدة والمجهود،لا تفصلها أكثر من ساعة عشان تتجنب المشاكل،هالسؤال أنت بمساعدة الدكتور تجاوبه. إذا لاحظت سكرك يرتفع بعد الرياضة لا تفصلها،إذا ينخفض مرة افصلها. اذا ينخفض على خفيف تسوي بيزل مؤقت.
سـ/لو رحت عزيمة وين أحطها؟(سؤال بنات غالبا)
نفس الشي الناس يختلفون،في حزام للفخذ لو كنتي لابسة فستان أو تنورة- شخصيا ما أفضله لأنه يزلق و ما يثبت-.أو من جوا الملابس.
في طريقة قريتها مرة هنا و بأكثر من موقع:
جيبي شراب أطفال ،دخلي المضخة جواه و ثبتيه بدبوس عالفستان من جوا.
سـ/انا افكر اركب المضخه بس ابي اعرف تبين من ورا اللبس ولا ؟-bror-
تخلي أنتي حاطة بيجر تحت تيشيرت,هل راح يبين؟
يعتمد عالقماش,لكن غالباً ما راح تبين, ولو بينت فإن فوايدها أكبرمن أنك ما تركبينها عشان سبب بسيط.
مرة جالسة أشوف فيديو عن وحدة عجوز تكلم عن مضختها,تقول أنها حولت المضخة لقطعة اكسسوار 
مرة شي حلو,لاو حاطت لها غلاف و شنطة و أشياء كثرة حلوة.
سـ/لو جيت أسافر هل تسبب لي مشكلة مع الأمن؟
قبل ما تسافر كلم دكتورك يكتب لك رسالة -للاحتياط فقط، غالبا ما يقولون شي- بحاجتك للأدوية.وعموما في أغلب المطارات لازم 
تكون الإبر مرفقة بانسولين على فكرة.
سـ/هل ممكن أركبها وقت الحمل؟
أكيد تقدرين،أصلا كثير بنات بدون فيها وقت الحمل عشان ضبط السكر مهم وقتها.طبعا لما تركبينها
ما تستخدمين البطن كموقع حقن.
مخاوف متكررة::
سـ/هل المضخة مؤلمة؟
شوي بس،مو ألم لكن حرقان ونغز خفيف موضع الإبرة لمدة ثواني ،ما يزيد عن 5 دقائق غالباً. هذا لو دخلتها صح
بدون ما تدخلها بعضل أو تكون منحنية لأن وقتها راح تؤلمك وهالشي تتجنبه لما تتدرب مع المثقفة .وللمعلومية اللي جدا متخوفين من المها-مع إنه ما يستاهل،بس ممكن لاطفال مثلا-في كريم تخدير اسمه emla,وممكن تبرد المنطة بقطعة ثلج لتخفيف الالم.
سـ/هل يطلع دم؟
لو دخلتها غلط تحت مرة تدخل في العضل او فوق مرة تكون بالجلد راح تلاحظ من فوق أن الـ infusion set فيها دم وقتها لازم تغيرها. الإبرة مكانها بين الاثنين، في طبقة دهنية تحت الجلد(subcutaneous).
سـ/طيب ما تخرب بسرعة؟
لا، المضخة مصنوعة من مواد قدرتها على التحمل عالية جدا، ياما طاحت مني ولا حتى خدش، بس ترى مو ضد الماء.
سـ/طيب اخاف تفضي كل الخزان بجسي و ينخفض على السكر؟
المضخة محصنة ببرامج حماية و اختبارات سلامة دورية تتأكد من سلامة النظام عشان ما تصبير اغلاط مميتة. انا ما سمعت إلا بحالة وحدة واحد كندي يستخدمها مات ببعد ما فضت المضخة -موديلها ٥١٢ قديم شوي- الخزان كامل بجسمه. بس تأكدوا ان هذي حالة وحدة من بين الاف ما صار لهم ولا شي فلا تخافون.
سـ/ ابي استفسر هل تركيب المضخه سهل مايبيله فزعه ورهبه ، هل ينظم صح والله يتولي الجميع برحمته.(ام ريماس)
اولا ابي أوضح نقطة مهمة جدددا لازم تحطينها بحسابك وهي ان المضخة مو سحر تركبينها و تضبط لك السكر من نفسها،يعني الطيار مثلا ما يستخدم خاصية الطيار الآلي و يروح ينام،المضخة عبدة مامورة تسوي اللي مبرمج لها،لو انخفض عليك السكر ما راح توقف ،لازم انتي تنتبهين وتوقفينها،باختصار لازم انتي تتحكمسن فيها. 
هو طبعا بالبداية شوي حوسه يعني تاخذين حصص تثقيف مكثفة عن المضخة و حساب الكربوهيدرات عموما بس لين ركبتيها راح تعرفين انها تسوا التعب عليها لأنك بالنهاية راح ترتاحين كثير وراح تقدرين تتحكمين لشكرك اكثر
سـ/هل اقدر مع المضخة اكل اي شي وفي اي وقت ولا نفس نظام الابر؟
سـ/كيف اقدر اتروش مع المضخة او اسبح او امارس رياضة البطن؟
سـ/اقدر افك المضخة وقت ماابغى ولا لازم بعد 3 ايام؟
سـ/هل مع المضخة السكر ينزل للواطي ولا لا؟؟ ولو نزل حايكون في تنبيه؟-cocoa wawa
أولا,المضخة راح تعطيك حرية كبيرة في الأكل,سواء من حيث خيارات الأكل,أو مواعيد الوجبات,تقدرين تاكلين أشياء يمكن كنتي محرومة منها أول,وبالنسبة لمواعيد الوجبات تقدرين تنامين مثلا بدون وجبة خفيفة و تقومين بدون سكر منخفض وهكذا.
ثانيا,المضخة(أنتي تستخدمين منيمد صح؟)ما تدخل بالموية,هي ممكن كم قطرة تجيها لكن ما يصلح تغمرينها بالموية,فلو تبين تتروشين أو تتسبحين تفصلينها,لمدة ساعة ساعتين,وبعدين ترجعينها.
لو تبين تفكينها لمناسبة خاصة,مثلا عزيمة,حفلة,رياضة عنيفة,تقدرين تفصلينها لين ساعتين.
اللي قصدك بعد ثلاث أيام هو تغيير الإبرة,تغيرينها كل يومين 3 أيام لأنه هذا عمرها,أقل من كذا ما يحتاج تغيرينها,أكثر من كذا ما تشتغل.
المضخة تساعد في ضبط السكر وبالتالي تقلل الانخفاضات و الارتفاعات,لكن ما تمنعها تماماً,لازم أنتي بنفسك تضبطينها,تقدرين تركبين جهاز قياس سكر مستمر تبع المضخة,تحددين فيه مجال محدد لو خرج عنه يعطيك تنبيه.
سـ/ركبتها اقدر اكل اشياء فيها سكر اشوي اولا؟
هل تركيبها وفكها صعب اولا؟-ريتال
-بالنسبة لأكلك,حطي براسك قاعدة ذهبية:الأشياء اللي ياكلها مريض السكري المفروض نفسها هي الأشياء المفروضة على غيرها
بدلالة أن الإنسان عموما سكري أو لا المفروض ما يكثر من استهلاك اللحوم الحمراء,الدهون,والسكريات
هي نفسها الأشياء الواجبة على مريض السكري
لكن عموما,لو فرضنا أنك كنتي تاكلين حلى بمعدل شوكولاتين كل 5 أيام,غالبا أصعب أنك تعادلينها وتاخذين أنسولين مع الحقن ,لكن مع المضخة أسهل كثير
فالنتيجة النهائية هي"إيه,راح تعطيك حرية أكثر
-السؤال الثاني,المضخة تتكون من جهاز كمبيوتر يشبه البيجر,أنبوب,وابرة بلاستيكية,بالنسبة للأبرة,ممكن تفصلينها لما تحتاجين,تمارين رياضية شديدة,شاور,غيرها.

طيب كيف الحين ناخذ جرعه عن طريق المضخه اذا جينا ناكل 
في المضخه في نوعين من الجرعات
1/ ساحر الجرعات 
وهو انك تدخل قياس السكر ونسبة الكاربوهيدرات وتعطيك المضخه الجرعه المناسبه
2/ جرعه يدويه
وهي انك تدخل الجرعه انك على طول بدون قياس سكر ولا نسبة كاربوهيدرات
طبعاً الطريقة المستعلمه الصحيحه الاولى اللي هي ساحر الجرعات 
لانها هي الاكثر صحه ودقه وراح تضبط سكرك تمام ان شاء الله
ساحر الجرعات
( جرعه -->ACT --> ساحر الجرعات -->ACT --> تدخل قياس السكر -->ACT --> 
تدخل نسبة الكاربوهيدرات -->ACT --> راح تعطيك مقدار الجرعه وتضغط ACT لبداية الضخ )
بالصور
[ندعوك للتسجيل في المنتدى أو التعريف بنفسك لمعاينة هذه الصورة]
(هنآ فرضت انو السكر 97 و الكاربوهيدرات 30 اعطتني مقدار الجرعه 3,3 )
نجي نتكلم الحين عن تركيبهآ .
أول شي راح تركبهآ في المستشفى وراح تغيرهآ فيه برضو لاول مره
بعد كذا راح تركبهآ وتغيرهآ انت من حالك ، وموضوعهآ جداً جداً بسيط .
هذي صوره لادوات المضخه
[ندعوك للتسجيل في المنتدى أو التعريف بنفسك لمعاينة هذه الصورة]
نبدأ بسم الله
1-نعبي الخزان بالأنسولين
[ندعوك للتسجيل في المنتدى أو التعريف بنفسك لمعاينة هذه الصورة]
(تعبئة الخزان سهله ولا يبغى لها شرح ،مجرد تسحب لحد معين(يخبرك الدكتور كم) 
وبعد كذا تطلع الانسولين من الخزان وتسحب العلبة الزرقاء على فوق وتطلع معك
وهذي اللي تسحب فيها اللي تحت لونها ابيض تلفها بحذر وتسحبهآ على تحت وتطلع معك.)
2/ تثبيت الخزان في الأنبوب
[ندعوك للتسجيل في المنتدى أو التعريف بنفسك لمعاينة هذه الصورة]
( تثبيت الخزان في الأنبوب بسيط مثل ما هو موضح في الصورة 
مجرد تأخذ رأس الأنبوب وتركبه في الخزان )
3/ التحضير في المضخة لتركيب الخزان :
[ندعوك للتسجيل في المنتدى أو التعريف بنفسك لمعاينة هذه الصورة]
( اذا الصوره مو واضحه مره احفظها وبعد كذا سو تكبير عشان توضح شاشه المضخه اكثر )
(التحضير برضو سهل مجرد انك يضغط على( ACT ( act مثل زر انتر في اللاب )
تحضير --> ترجيع
بعد كذا راح يبدا بالترجيع مثل ماهو واضح بالصوره
[ندعوك للتسجيل في المنتدى أو التعريف بنفسك لمعاينة هذه الصورة]
بعد مايتم الترجيع بشكل كامل راح يطلع لك على شاشه المضخه هالصوره
[ندعوك للتسجيل في المنتدى أو التعريف بنفسك لمعاينة هذه الصورة]
الحين تدخل الخزان في المضخه وندخل الطرف الثاني في المكبس
[ندعوك للتسجيل في المنتدى أو التعريف بنفسك لمعاينة هذه الصورة]
بعد كذا نعبي الأنبوب بالأنسولين ويكون بالتعليق على زر ACT وعيوننآ
على المكبس لحد مانشوف الأنسولين ينقط بعدها نوقف
[ندعوك للتسجيل في المنتدى أو التعريف بنفسك لمعاينة هذه الصورة]
بعد كذا نشيل غطاء اللصقات
[ندعوك للتسجيل في المنتدى أو التعريف بنفسك لمعاينة هذه الصورة]
نضغط المكبس للتجهيز ونشيل الغطاء الازرق الصغير اللي فوقه
[ندعوك للتسجيل في المنتدى أو التعريف بنفسك لمعاينة هذه الصورة]
بعد كذا نحطها على البطن ونضغط الزرين اللي لونها ابيض مع بعض
راح تضرب وتدخل الابره وبعد كذا تسحب الابره وتظل بس الابره البلاستيكية داخل الجسم
[ندعوك للتسجيل في المنتدى أو التعريف بنفسك لمعاينة هذه الصورة]
وكذآ يكون خلصنآ من تركيبها

الشروط والواجب توفرها في المريض اللذي يرغب في استخدام مضخة الانسولين
1- ان يكون مريض نوع اول او معتمد اعتماد كلي على الانسولين
2- ان يكون مستعد هو و اهله لتعلم المضخة
3- لديه استعداد ان يتحكم بالسكر
4- ان يكون لديه استعداد ان يتعلم عن حساب النشويات
5- يكون مستعد لعمل تحاليل من 4 الى 8 تحاليل في اليوم على حسب الحاجة
6- وهو الشرط الاهم ان يكون مستقر نفسياً